Spaghetti Vongole

Wäscht d’Palourdë ënner dem kale Waasser, schruppt se wann néideg of, leet se dann an eng grouss Schossel a bedeckt se mat kalem Waasser. Gitt räichlech Salz dobäi a loosst se dann eng Stonn bei Raumtemperatur stoen. Dono ofschëdden a gutt mat Waasser reschtlech Sandkären oder Salz ofspullen.

Schielt de Knuewelek an zerdréckt en. Schneit d’Chili op, huelt d’Kären eraus a schneit se dono ganz reng. Schneit och de Péiterséileg ganz reng.

Kacht d’Spaghetti wärend 6 Minutten am kachende Waasser mat e bësse Salz, bis se bal fäerdeg sinn.

Gitt an der Tëschenzäit den Olivenueleg an eng grouss Pan a brot doranner de Knuewelek an den Chili bei mëttlerer Hëtzt 2 Minutte laang un.

Gitt d’Palourden dobäi a setzt d’Hëtzt erop. Schëtt de Wäin dobäi, loosst dat Ganzt kache bis déi meeschte Palourden opgaange sinn. Huelt all Palourden eraus, déi nach ëmmer zou sinn.

Schëtt d’Spaghettien of, versuergt e bësse Kachwaasser, a gitt d’Spaghettien da mam Botter a mat e bësse Kachwaasser an d’Pan. Vermëscht alles gutt a loosst et eng Minutt weiderkachen, réiert dann de gehackte Péiterséileg an d’Schuel vun der Zitroun ënner, a wierzt mat Salz a Peffer.

Verdeelt alles op véier Telleren an zerwéiert de Plat direkt.