Spaghetti mat Fleeschbulletten

Zoubereedung: 1St.

Fir 4 Persounen:

  • 480g Spaghetti LE MOULIN

Fir d’Fleeschbulletten:

  • 600 g Gehacktes fir Spaghettien
  • 2 Zl Olivenueleg

Fir d’Zooss:

  • 1 Ënn
  • 2 Zéiwe Knuewelek
  • 1 Still frësche Rosmarin
  • 1 Zl Olivenueleg
  • 800 g Tomaten a Stécker aus der Béchs
  • 1 Zl Tomatekonzentrat
  • 150 ml roude Wäin
  • 1 Kl Oregano
  • 1 Kl Zocker
  • 1 Kl Salz
  • Peffer

Fir ze zerwéieren:

  • Blieder frësche Basilikum
  • Parmesan

Schielt d’Ënn a schneit se ganz kleng. Schielt d’Knuewelekszéiwen an zerdréckt se. Pléckt d’Rosmarinblieder vum Still a schneit se ganz kleng.

Erhëtzt 1 Zoppeläffel Olivenueleg an enger Kasseroll a brot d’Ënn zesumme mat e bësse Salz wärend 5 Minutten un, bis se mëll ass. Gitt de Rosmarin derbäi a loosst dat Ganzt nach eng Minutt weiderbroden.

Gitt d’Tomaten, den Tomatekonzentrat, de roude Wäin, den Oregano, den Zocker, d’Salz an de Peffer derbäi a loosst dat Ganz liicht opkachen.

Wärend d’Zooss kacht, formt Äert Fleesch zu Bulletten. Huelt dofir ongeféier d’Gréisst vun enger Noss Fleesch an d’Hand a rullt se tëscht Ären Hänn zu Bulletten (ongeféier 12 g pro Fleeschbullett).

Erhëtzt 2 Zoppeläffel Olivenueleg an enger Kasseroll a brot d’Ënn zesumme mat e bësse Salz wärend 5 Minutten un, bis se mëll ass.

Gitt d’Bulletten an d’Tomatenzooss a loosst dat Ganzt nach 20 Minutte bei niddreger Temperatur weiderkachen, bis d’Zooss méi déck gëtt an d’Bullette gutt duerch sinn.

Wann d’Zooss bal fäerdeg ass, kacht d’Spaghetti an 9 Minutten of.

Schëtt d’Waasser of a gitt d’Spaghetti mat e bëssen Olivenueleg zeréck an d’Kasseroll. Schëtt d’Zooss an d’Bulletten derbäi a verdeelt dann dat Ganzt op 4 Telleren.

Street räichlech Parmesan an e puer Blieder Basilikum iwwer all Portioun.