Penne mat Spinat a Geessekéiss

Brot d’Piniekären an enger Pan e bësselchen un, stellt se dann op d’Säit.

Kacht de Spinat a kachendem Salzwaasser bis e ganz entdeet ass. Schëtt en of a stellt en dann op d’Säit.

Schielt iwwerdeems d’Ënn a schneit se ganz reng. Schielt d’Knuewelekszéiwen an zerdréckt se.

Loosst de Botter an der Pan schmëlzen a brot d’Ënne 5 Minutte mat enger Grimmel Salz un, bis se mëll sinn. Gitt de Knuewelek derbäi a loosst dat Ganzt nach eng Minutt weiderbroden.

Gitt dann de Wäin an de Spinat derbäi a loosst dat Ganzt 2 Minutte kachen, schëtt duerno de Ram derbäi, gitt eng Grimmel Muskot an e bëssen Zitrouneschuel derbäi a wierzt mat Salz a Peffer. Loosst d’Zooss ongeféier 5 Minutte liicht akachen.

Kacht an der Tëschenzäit d’Penne wärend 11 Minutten an engem groussen Dëppe mat kachendem Salzwaasser.

Schneit de Kéis a kleng Wierfelen.

Schëtt d’Penne of a gitt se dann zesumme mat 2/3 vun de Kéiswierfel an d’Pan bei d’Zooss, verréiert dat Ganzt bis alles sech gutt verbënnt.

Verdeelt d’Nuddelen op 4 Telleren, street dann d’Piniekären an de Rescht vum Kéis driwwer.