Nuddelszalot mat Poulet
Zoubereedung: 40min
Fir 4 Persounen:
- 500 g Nuddelen LE MOULIN Farfalle
- 360 g Ierbessen
- 250 g Pois mange-tout
- 1 klenge gegrillte Poulet
- 2 Sucrinen
- 3 Zl Kaperen
Fir d’Vinaigrette:
- 200 g Mayonnaise
- 120 g griichesche Jugurt
- 4 Zl Estragon, gehackt
- 2 kleng Zéiwe Knuewelek, zerdréckt
- 1 onbehandelt Zitroun, Schuel + Jus
- Salz a Peffer
Kacht d’Farfalle wärend 2 Minutten a kachendem Waasser mat e bësse Salz, gitt dann d’Ierbessen an d’Pois mange-touten dobäi a loosst dat Ganzt 5 Minutte laang weider kachen. Schëtt d’Waasser of, killt alles mat kalem Waasser a gitt dann alles zesummen an eng Zaloteschossel.
Huelt d’Haut vum Poulet erof a schneit se a kleng Stécker. Schneit d’Sucrinen a Véierel. Hackt d’Kapere kleng.
Vermëscht all d’Ingrediente fir d’Vinaigrette a gitt se zesumme mam Poulet an de Kapere bei d’Nuddelen. Vermëscht alles gutt an zervéiert all Portioun Nuddele mat zwee Véierel Sucrine.
Selwer gemaach, mat lokalen Ingredienten
Mat dem Miel an de Nuddele vu LE MOULIN bréngt Dir e Stéck Lëtzebuerger Terroir an Är Liblingsplaten.
