Asiatesch Nuddelszalot mat Kakuettebotter

Fir 4 Persounen :

  • 500 g Nuddelen Le Moulin Spirale
  • 2 grouss Kornischongen
  • 2 d’Fréijoerszwiwwelen
  • 300 g Edamame-Bounen, gespellt a gekacht
  • 20 g Koriander, gehackt
  • 4 Kl schwaarz Sesamkären

Fir d’Vinaigrette:

  • 200 g Kakuettebotter
  • 2 Zl Räisesseg
  • 3 Zl Sojazooss
  • 2 Zl Sesamueleg
  • 4 Zl Limounejus
  • 4 Zl Ingwerpaste
  • 2 Zl Zocker
  • 2 Zéiwe Knuewelek, zerdréckt
  • 170 ml Waasser

Zoubereedung: 30 Minutten

Kacht d’Nuddelen a kachendem Waasser mat e bësse Salz wärend 12 Minutten. Schëtt se dann of, killt se ënnert dem kale Waasser a stellt se dann op d’Säit.

Iwwerdeems d’Nuddele kachen, schielt d’Kornischongen, schneit se der Längt no duerch an huelt d’Käre mat engem Läffel eraus. Schneit se a Wierfel.

Botzt d’Fréijoerszwiwwelen a schneit se a Scheiwen.

Vermëscht no an no all d’Ingrediente fir d’Vinaigrette an enger Schossel, bis Dir eng glat Vinaigrette hutt.

Gitt d’Nuddelen, d’Kornischongswierfel, d’Freijoerszwiwwelen an d’Edamame-Bounen an eng Zaloteschossel. Schëtt d’Vinaigrette an de gehackte Koriander dobäi a vermëscht alles gutt mateneen. Street déi schwaarz Sesamkären driwwer éier Dir de Plat zerwéiert.