Eis Mielzorten
Déi verschidde Mielzorte vu LE MOULIN ginn am Respekt vun den Traditiounen, déi vu Generatioun zu Generatioun iwwerdroe goufen, hiergestallt. Eis passionéiert Mëller selektionéieren all Dag no strenge Krittäre Weess aus nohaltegem Ubau zu Lëtzebuerg, aus deem eis héichwäerteg Mielzorte gemuele ginn.
Fir sécherzestellen, datt de Goût vun eise Produiten am Laf vun der Zäit erhale bleift, schaffe mir Hand an Hand mat lokale Baueren, déi eis Passioun fir d’Kären deelen.
D’Miel vu LE MOULIN ass 100 % natierlech an enthält weeder Zousaz- nach Konservéierungsstoffer.
Eis Gamm vu lëtzebuerger Miel
D’Miel fënnt een als traditionellen Ingredient a ganz ville kulinaresche Preparatiounen. Mir placéieren eise ganzen Know-how a jidderee vun eise Päck, a begleeden Iech domat an d’Häerz vun Ärer Kichen.
Klassesch Mielzorten
Spelz
Fir all Är Platen, déi op der Basis vu Miel hiergestallt ginn, ass Spelz eng exzellent Alternativ zum traditionelle Weessmiel. Spelzmiel ass ganz beléift fir Brout ze maachen, et kann awer och fir vill aner Preparatiounen agesat ginn. Seng Qualitéit, seng héich Närwäerter a säin niddrege Gehalt u Gluten si genee dat Richtegt fir jiddereen, dee Loscht huet, emol eppes anescht ze schmaachen.
Fir all Gebrauch
Dëst Miel ass perfekt fir den alldeegleche Gebrauch. Heimat geléngt Iech all Deeg fir eng Taart, e Kuch oder en traditionellt Brout voller Goût. Eist Miel fir all Gebrauch bréngt eng Touche Lëtzebuerg an Är alldeeglech séiss oder gehäerzte Rezepter.
Pâtisserie
Fir Är Desserten oder Äert Gebäck recommandéiere mir Iech dëst Miel vum Typ 45, dat aus éischtklassegem Weess hiergestallt gëtt.
Gastronomie
Dëst Miel gëtt no engem eenzegaartege Verfaren, dat mir a laangjäreger Traditioun entwéckelt hunn, gesift, a gëtt aus dem Häerz vum Weesskär hiergestallt. Doduerch datt d’Miel esou reng gesifft ass, entsti beim Kache garantéiert keng Grimmelen. Fir d’Gastronomen: Dëst Miel verbënnt sech perfekt mat Äre delikaten Zosen oder Äre flëssege Preparatiounen (Deeg fir Paangecher oder Eisekuchen).
Bio-Mielzorten
Bio-Miel fir all Gebrauch
D’Miel fënnt een als Ingredient a villen alldeegleche Preparatiounen. Dëst natierlecht Miel, dat sech fir all Zwecker eegent, gëtt aus biologesch ugebautem Weess hiergestallt a passt perfekt bei Är alldeeglech Rezepter. Dir kënnt domat kleng Platen kachen, déi net nëmme gesond si mä och nach gutt schmaachen.
Pâtisserie Bio
Dëst Miel vum Typ 45 gëtt aus enger Selektioun vun héichwäertegem Weess aus biologeschem Ubau hiergestallt an eegent sech beschtens fir d’Preparatioun vun Ären Desserten an Ärem Gebäck.
Spezial-Miel
Bauerebrout
Mat eiser Mëschung aus Weess, Kar a Leinsame kritt Dir e Brout, dat net nëmme voller Goût mä och nach räich un Omega-3 ass.
Schmull
Eise Schmull gëtt aus Spaghettiweess hiergestallt a ka fir vill verschidde Rezepter benotzt ginn. En eegent sech perfekt fir Nuddelen an Gnocchien, kann awer och benotzt gi fir Pudding ze maachen oder als Panéiermiel.
Pizza
Fir e gudde Pizzasdeeg ze maachen, brauch een e Weessmiel voller Proteinnen, dat ee laang opgoe léisst, an dat doduerch ganz elastesch gëtt. LE MOULIN huet opgrond vu senger Expertise e Miel vum Typ 00 entwéckelt, dat ideal ass fir Pizzaen, déi bausse krupseg a banne schéi mëll sinn.
Wéi wielt ee säi Miel am beschten aus?
Ee Miel ass net ewéi dat anert. Dofir ass et wichteg, dat passend Miel erauszesichen, fir datt Är Rezepter och geléngen.
Et ass effektiv net méiglech, mat deem selwechte Miel en Deeg fir Paangecher, e Kuch oder e Brout hierzestellen. Mir hunn dofir eng breet Gamm u Mielzorten entwéckelt, fir datt Iech all Är Rezepter geléngen.
Firwat soll Äert Miel gebraucht ginn?
Zosen
Paangecher
Fir ze panéieren
Kuchen
Fueskichelcher
Taarten
Brout
Wäisst Brout
PizzaSelwer gemaach, mat lokalen Ingredienten
Mat dem Miel an de Nuddele vu LE MOULIN bréngt Dir e Stéck Lëtzebuerger Terroir an Är Liblingsplaten.
« Duerch eis Expertise, déi aus enger laanger Familljentraditioun ervirgeet, kënne mir Iech natierlecht Miel mat vill Goût ubidden, dat direkt vun der Natur inspiréiert ass. »– Jean Muller, Direkter vu Moulins de Kleinbettingen