Nohaltegen, lokalen an éischtklassege Weess

Zanter 1704 verschafft d’Famill Muller Weess, fir datt jiddwereen an de Genoss vun deem gudde Goût a vu sengen héije Närwäerter komme kann.

Mir wäerten d’Kären op, fir doraus Miel, Schmull oder och nach Nuddelen hierzestellen.

D’Qualitéit vun all eise Produiten hänkt direkt mat der Qualitéit vun all eenzelem Weesskär zesummen, deen an eise Mille verschafft gëtt. Eis Expertise, entstanen a joerhonnertelaanger Mëllertraditioun, erméiglecht et, de ganze Goût aus de Kären erauszehuelen, fir datt eis Clienten dovu profitéiere kënnen.

Gewéinleche Weess a Spaghettiweess, mat vill Suergfalt selektionéiert

D’Qualitéit vun eisem Miel ass op eng streng Selektioun vu lokalem, héichwäertege Weess zeréckzeféieren. Eise Schmull gëtt aus enger Mëschung vu verschiddene lokalen Zorte Spaghettiweess, déi mat vill Suergfalt ausgewielt ginn, hiergestallt. Aus dësem Schmull ginn dann eis Nuddele gemaach.

D’Käre sinn un eisen Terroir, un de Buedem vun eiser Regioun ugepasst. Den Know-how vun eise Partner-Baueren, déi am Respekt vun der Natur schaffen, erlaabt et, en natierlech qualitative Weess unzebidden, dee manner Traitement brauch. Mir verschaffen och lokal ugebaute Spelz fir doraus Miel hierzestellen.

Weess a Spaghettiweess

Aus deene verschiddenen Zorte vu Weess, deen op Franséisch “blé tendre” oder och nach “Froment” genannt gëtt, gëtt Miel gemaach, aus dem Spaghettiweess gëtt de Schmull hiergestallt, dee sengersäits als Basis fir d’Hierstellung vun Nuddele benotzt gëtt.

Den Spaghettiweess ënnerscheet sech vum gewéinleche Weess duerch seng Éien mat hire laangen effiléierte Spëtzten, déi een och nach “Baart” nennt. Dës Eegenschaft huet ëm de Spëtznumm “blé barbu”, also wuertwiertlech “Baartweess” abruecht. Och an der Faarf ënnerscheet e sech vum gewéinleche Weess. Spaghettiweess ass natierlech räich u Proteinnen, Kuelenhydrater an u Vitaminn B, dëst erkläert säin héijen Närwäert.

D'Kären ganzheetlech notzen

All Weesskär besteet aus dräi Haaptdeeler:

D’Häerz vum Weesskär (op Franséisch “amande” oder “albumen” genannt) ass d’Haaptelement (75 % vum Kär), aus deem spéider d’Miel besteet. Et enthält vill Proteinnen, Stäerkt a Gluten.
D’Schuel, déi beim Vollkarmiel integral benotzt gëtt, enthält Mineralstoffer, déi d’Miel uräichere kënnen.
De Keim gëtt aus dem Miel erausgeholl. E kann awer fir aner Produite benotzt ginn.

Engagement fir en nohaltegen Ubau vum Weess

Wou hien 1999 zesumme mat aneren Acteuren de Label Produit du Terroir kreéiert huet, war den Edmond Muller, deemools un der Spëtzt vun eisem Familljebetrib, ee vun de Pionéier, déi sech fir eng verantwortungsvoll an zukunftsfäeg Landwirtschaft zu Lëtzebuerg engagéiert hunn.

Zesummen hu si déi beschte Weesszorte selektionéiert a Methode fir eng zukunftsfäeg Landwirtschaft entwéckelt, déi der Ëmwelt an dem Produit Rechnung dréit.

Duerch d’Vertrauen, dat an der laangfristeger Zesummenaarbecht mat de Baueren entstanen ass, konnt d’Qualitéit vum Lëtzebuerger Weess esou verbessert ginn, datt en haut dee beschten an Europa ass.

Zwanzeg Joer no senger Kreatioun verbënnt de Programm Produit du Terroir iwwer 250 Baueren a Partner en enger eenheetlecher Valorisatiounskette vum Weess.

Entdeckt Le Moulin

Mir engagéieren eis staark fir eng nohalteg Produktiounsketten

De Programm Produit du Terroir dréit zu der Entwécklung vun enger eenzegaarteger Produktiounskette bäi, déi d’Moulins de Kleinbettingen voll a ganz ënnerstëtzt. An deem Kontext engagéiere mir eis:

mat certifiéiertem Som ze schaffen, deen un de Buedem vun eisem Terroir ugepasst ass
mat 250 Partner-Baueren zesummenzeschaffen an hinnen eng fair Remuneratioun ze garantéieren
de Produit ze respektéieren, andeems d'Benotzung vu Lager-Insektizide verbueden ass

konkret Aktiounen ze ënnerhuelen, fir d'Biodiversitéit ze fërderen
kuerz Weeër an d'Proximitéit ze privilegiéieren
d'Hierstellung vun héichwäertegem Brout duerch d'Zesummenaarbecht mat 250 engagéierte Bäcker ze ënnerstëtzen

« Mir, als Pionéier vun enger nohalteger Landwirtschaft, hunn eis virgeholl, d’Qualitéit vun eise Produite permanent ze verbesseren, andeems mir déi vum ugebaute Weess am Respekt vum Buedem a vu jiddwerengem vun eise Partner weiderentwéckelen. »– Jean Muller, Direkter vu Moulins de Kleinbettingen

Eis Nuddele stamen vun de Felder, déi direkt an Ärer Géigend sinn.

Eis ganz Gamm vun Nuddele gëtt ausschliisslech aus Lëtzebuerger Spaghettiweess hiergestallt. Mir schaffen enk mat de Baueren zesumme fir d’Qualitéit vum Weess, an domat och déi vun de Nuddele vu LE MOULIN, ze garantéieren.

D’Nuddele ginn hiergestallt aus engem Weess, deen direkt vun engem Feld aus Ärer Géigend kënnt, wéi dat op dëser Kaart ze gesinn ass, op där all d’Bauere lokaliséiert sinn, mat deene mir dëst Joer zesummegeschafft hunn.